Amb. Nduhungirehe yamaganye ibivugwa ko nta Munyarwanda ufungiwe muri gereza zo muri Uganda

0
390
?????????????????????????????????????????????????????????
  • Umunyamabanga wa Leta muri Minisieri y’Ububanyi n’Amahanga w’u Rwanda, Amb. Olivier Nduhungirehe atangaza ko ibyavuzwe na Uganda ko nta Munyarwanda ufungiwe mu magereza yo muri muri iki gihugu ari ibinyoma.

    Bamwe mu Banyarwanda bagenda cyangwa baba muri Uganda bagiye batabwa muri yombi kuva mu minsi ishize. Abagarurwaga mu Rwanda baje bavuga ko hari bagenzi babo basize mu magereza atandukanye kandi ko bakubitwa bakanakoreshwa imirimo y’agahato nko guhinga.

    Umvugizi wa Leta ya Uganda, Ofonwo Opondo abinyujije ku rukuta rwa Twitter rwa Uganda Media Centre, yagize ati “ Nta guhiga bukware kw’Abanyarwanda kuri muri Uganda. Ikindi ni uko nta Munyarwanda ufunzwe n’ubuyobozi bwa Uganda ku mpamvu iyo ari yo yose. Turifuza gutanga ubutumwa butomoye ku Rwanda ko  nta Munyarwanda utotezwa cyangwa uri muri gereza yo muri Uganda.”

    Ingingo yo kuvuga ko nta Munyarwanda uri muri gereza yo muri Uganda,yatumye Amb. Nduhungirehe agira icyo avuga yamagana iyi mvugo.

    Ati “ Aya magambo mu buryo bw’ibimenyetso n’inyurabwenge ni ibinyoma. Hari  Abanyarwanda basaga 40  bari muri gereza zo muri Uganda muri kasho z’Urwego rw’iperereza rya Gisirkare (CMI). Abandi basaga 800 bamaze kwirukanwa ku butaka bwa Uganda kuva mu 2018.”

    Opondo yagize icyo yisabira Amb. Nduhungirehe. Ati ” Murakoze Minisitiri, ushobora gufasha abagukurikira ugatanga amazina, Indangamuntu na Pasiporo ndetse n’aho bafatiwe.”

    Mu kongera gushimangira ikibazo kiri ku mupaka, Opondo avuga ko urujya n’uruza ku mupaka wa Gatuna rukiri ikibazo ariko ko n’Ubuyobozi bw’u Rwanda ntacyo buratangaza ku kuba Abanyarwanda n’imodoka zivuye mu gihugu cyabo batinjira muri Uganda.
    Ibi biravugwa mu gihe umubano w’u Rwanda na Uganda uhagaze nabi kuva mu Kwakira 2017. URwanda rushinja Uganda gushyigikira abashaka kuruhungabanyiriza umutekano. Uganda nayo  igashinja iki gihugu ubutasi ari nacyo cyaha Abanyarwanda benashi bafatwa baba bashinjwa

LEAVE A REPLY

Please enter your comment!
Please enter your name here